類別 :

法國菜

我係napoleon既超級fans!食過paris既作品~一試愛上..誓要尋找最好食既拿破崙!
好食既宗旨係:新鮮既酥皮唔會有水氣~要crispy鬆化脆口+蛋香奶油味既custard!而非cream+sponge cake!
因為朋友話美心12蚊既香芒拿破崙ok~
由於上次我食過一次8蚊既朱古力拿破崙...難食到呢~~
所以我鼓起勇氣決定去美心叫一個黎試~
不過我見唔係間間都有~可能佢呢隻係好食d~快d沽清~
今日見到有~就買左一件
芒果雪果拿破崙

賣相都比起8蚊既令~
之但係佢同8蚊既係有唔同嫁喎真係!
12蚊呢件係上下都用千層酥餅包住~而入面就用左一層海綿+一層cream+一層類似cutsard既野mix左一片芒果隔住另外一層海綿+一層cream+一層類似cutsard既sauce+一片mango...面頭再1上香芒蝴蝶結同custard加香草??
嘩!雖然同我食過既zoe,mimosa, fine foods,teresa festival果d係冇得比~因為美心呢件根本唔算得上係法式napoleon cake!
咁我就同佢比港式既比~即係ppg伯伯嘉奴果d呢~嗯.....我個人認為ppg既出色d!可能我比較少吃港式掛~(p.s我早幾日見到ppg出左隻拿破崙係法式既~酥皮+custard!不過佢cut cake唔見有~我見得whole cake~問個staff,佢居然答我其他果幾隻拿破崙咪一樣!所以我冇試到走左...)
不過呢12蚊都算係抵啦~而且都唔算難食..但唔好期望咁高啦~酥皮就腍腍地..custard都好水既...所以唔知係咪custard...我又唔覺有牛油/奶油味既香~可能係蛋+水
同8蚊果件...好好多...所以我比返個笑佢啦~

 
<~paris既dessert先至叫係見真章~令我一試難忘既PH出品的NAPOLEAON CAKE!

 <~from paris黎自第2間有名cake shop既napoleaon cake~好味指數紀對唔可以同hk比~雖然貴...剩返果幾蚊euro都忍唔住去買黎食~不過2者比較,我還是比較喜歡PH的!但2個都超讚~
 
為了尋回那口一試難忘的Napolean cake...我要試盡呢個世界上最好食既拿破倫蛋糕..
因為我鍾意食甜野
S U G A R 就是甜
 


 

<第一次吃PAPPAGALLO的Napolean cake~雖然都係用左sponge cake黎做,但港式既做法黎講,算唔錯~仲係老婆特登買比我食既添~$0因為老婆請既XD $25嫁

<--第唔知幾次食,因為咁岩果日c傅整錯左size比個客,將個cake切件賣,所以勁大件..忍唔住買左~$20因為TASTE代賣既

<--第3間試既係龍島既hazelnut napolean cake,雖然佢係用類似custard既cream,但唔好食...可能係佢有nuts..好甜..連我都覺甜...貴之餘佢又唔夠crispy $26

<--第4間試既係跑馬地有名既茶餐廳~冇錯~只係4蚊一件姐~~但呢個係叫napolean BISCUIT..第2類囉..都OK既,但都係唔中意NUTS,下次試napolean CAKE!!!但成日Sold out..勁好生意..我第一次去,特登行入去搵..點知賣哂,個老闆娘請我食左佢留比自己果件~第2次去又賣哂..第3次要打去訂先有..第4次好早去都冇哂啦

<--第5間試既係跑馬地既ZOE~價值$30~~~~~嘩最細件又係佢最貴又係佢...點知一食....最似法式既又係佢~即係好味!但d staff都幾串嫁..哈哈

<--第6間試既amigo係傳說中最好食既napolean cake...可能佢d千層夠多夠crispy掛..但係d酥皮我反而覺得冇咩味,最緊要係佢都係用sponge cake去整..仲話french既c傅..有d失望囉..
$190老豆生日買比佢食既~
 
<--第7間試既係一間我未聽過既habitu cafe,個餅叫咩名唔記得喇..因為佢係意大利做法..但其實都係千層酥~$32老公請既~接我收工時行去跑馬地果邊見到..入左去叫呢個有blueberry既napolean cake~映完相仲留低左部手提間cafe度-.- 因為呢件又貴d..但大件d..仲係last one~嗯...blueberry加左幾fresh但我唔好..overall黎講,我相信新鮮出爐既話應該唔錯~!

<---第8間去試既係美心西餅...一值都唔想試....$8 因為趕時間又未食野先買左佢...果然,呢件所謂既choc napolean cake............真係.....又sponge cake又cream.......好難食呀...當普通西餅就得既..
 
<~第9間~red ant紅螞蟻出品既mango/strawberry napolean cake~又係失望之作....因為佢唔係用custard...係用cream...2月14號情人節既dessert~
<~第10間~from macau豬扒包對面~10蚊雞勁抵食啦咁大件...不過佢都係用cream既
<~第11間係想試左好耐既天后一間叫mimosa patisserie既starwberry napoleaon cake~26蚊好似...價錢我覺得都合理既~因為佢唔算太細件,味道都ok~只係我覺得strawberry太多d味蓋過左custard...下次要試mango先得~

<~第12間..都係跑馬地既祥勝....$4...唉~佢係sponge cake既.....終於試左....可能同我食果d差太遠...唔會再買
<~第13間都係PAPPAGALLO既香橙朱古力拿破崙餅...甜得好梗要呀....sale$20件
<~第14間都係PAPPAGALLO既~不過就係芒果朱古力千層蛋糕~嗯...好抵都OK好味...係港式拿破崙之中算係咁~不過都係原味我中意D~因為原味先有CUSTARD~不過呢件都OK~食左2大件呀~哈哈
 

<---第15間~ charlie brown cafe~$38...唔知點解越食越貴~呢間呢..size都有返咁上下大件既~strawberry ok,最正係多左上面2條choc stick~加分不少~不過custard同酥皮就屬於中上啦~有改善既空間~唔夠crispy,custard 味可以再重d~都算係有新驚喜!
<~第16間係九龍城既小店~$35~size同分量都有返咁上下啦我中意佢有埋peach...我其實好唔中意用strawberry加係napoleaon 度..酥皮我覺得佢都ok crispy既~唔夠新鮮..最致命係佢既custard我覺得有d淡囉~*多謝亞yu請食~*
 
 
<~第17間係帝苑酒店既FINE FOODS-$26~佢既酥皮係特別d既~因為面加左d焦糖~比較法式~但由於隔左幾個中頭先食~冇咁fresh~不過都仲crispy既~但係custard我覺得都仲有改善既空間~
食過zoe~我覺得2者都係好好食既~但各有特色~
<~第18間係TERESA FESTIVAL~呢件係mini既~$23~估唔到有驚喜!不過就因為mini,少左層酥皮~冇咁crispy...但係我估唔到佢d custard咁好味~好似zoe咁香~不過感覺就似食緊cream~但都唔錯!
 
試左咁多間....
最好食既唔計PARIS果2件...
NO.1係 ZOE & fine foods<zoe貴但做得好細緻~fine foods就真係最似PARIS既水準~2者我都中意~
NO.3 係MIMOSA<合理既價錢同SIZE..都係生果味太重
NO.4 TERESA FESTIVAL<~我中意佢既CUSTARD!好香~
NO.5 係HABITU<因為佢有BLUEBERRY...冇左生果同新鮮食既話應該唔錯..不過都幾貴
NO.6 CHARLIE BROWN CAFE
NO.7 小店
NO.8 係PAPPAGALLO原味<~港式黎講,最好!用SPONGE CAKE+CUSTARD+少少CHOC味~酥皮又夠CRISPY...唯獨加左Sponge cake口感差Ｄ姐
其他應該都唔會再幫襯嫁喇~
誓要試盡H所有有NAPOLEAON CAKE食既地方!!! 
 
 
下次既目標係
COVA既似千層餅之作
MIMOSA既MANGO味 
凱施餅店??都有賣嫁啵~
LES DESSERT-大埔
SWEET 19-何文田
KIWI SWEETS-鴨脷洲
CERES-九龍城
SIMPATICO-山頂
半島酒店-tst
BAKER'S CHOICE-黃埔
DELIFRANCE-沙田~tiramisu味
 
試食既LIST不停UPDATE梗....
LAST UPDATE:5月15日
當我發現仲有其他地方有NAPOLEAON CAKE食我一定搶先去試!